Xiinxala Walsimannaa Karoora Barnootaafi Raawwii Daree Keessaa Barnoota Afaan Oromoo Mana Barumsaa Sadarkaa 2ffaa Mattuu

Abstract

Qorannoon tokko kaayyoo gaggeeffamuuf qaba.Kaayyoon qorannoo kanaas walsimannaa karooraafi raawwii barnoota daree keessaatti kennamu barnoota Afaan Oromoo kutaa 9 12ffaamana barumsaa sadarkaa lammaffaa Mattuu xiinxaluudha.Kaayyoo qorannoo kanaa galmaan gahuuf qorattuun gosa qorannoo akkamtaatti fayyadamuun barsiisota Afaan Orommoo barsiisan shaniifi hoggantoota mana barumsaa sad. 2ffaa Mattuu mala iddatteessuu miti carraa kaayyeeffataatiin kan filataman yemmuu ta’u. meeshaaleen ragaan ittiin funaanaman daawwannaa, sakatta’a dookumentiifi afgaafii fayyadamteetti. Qorannoo kanaaf madda ragaalee ta’anii kan tajaajilan, gaaffilee qorannoo kana keessatti ka’aniif deebii kennu jedhamanii kan yaadamaniidha. Madda ragaa tokkoffaa karoora barannoo, kitaaba barataafi qajeelcha barsiisaa kan barnoota Afaan Oromoo kutaa 9-12ffaa bara 2015n yemmuu ta’u maddi raga lammaffaan immoo barruu garaagaraa qorannoo kanaan walitti hidhataniidha. Ragaalee funaaname irratti huundaa’uun argaannoon qorannoo kanaa kan ibsu; karoorri barannoo ykn guyyaa barnoota Afaan Oromoo qophaa’eefi raawwiin barnoota daree keessaa akkaataa karoorfameen kan hinraawwanne waan ta’eef guutumman guututti walhinsimne. Walsimuu dhabuu karoora guyyaafi waggaa akka ta’e sakatta’ameera. Kanaaf, Sababni baay’ina qabiyyee barsiifamuufi lakkoofsi barattootaa daree tokko keessatti garmalee baa’yachuu, , meeshaalee barnootaa gahaan dhabamuufi yeroo isaa eegee dhiyaachuu dhiisuu. Kanaafuu qorattuun rakkoolee kana furuuf qaamni isaa ilaallatu haala daree barnoota mijataa gochuu,meeshaalee barnootaa yeroon dhiyeessuufi barsiisonni seeraan karoorfatanii waan karoorfatan haalaan daree keessaatti raawwachuu qabu jechuun yaada furmaataa laatteetti.