Afaan oromoo qubeessuu irratti gahumsa barattootni mana barumsaa sarboo sadarkaa 2ffaa kutaa 9ffaa qaban madaaluu

Abstract

Qo‟annoon kun kan irratti xiyyeeffatu gahumsa barattootni mana barumsaa sarboo sadarkaa lammaffaa qubeessuu Afaan Oromoo irratti qaban madaaluudha. Manni barumsaa sarboo kan argamu naannoo Oromiyaa, Godina Jimma, Aanaa Qorsaa magaalaa sarbootti yemmuu ta‟u yuunivarsitii Jimma irraa kiilomeetira digdamii lama (22km) fagaata. Kaayyoon qo‟annoo kanaas gahumsa barattootni kutaa 9ffaa mana barumsaa sarboo qubeessuu Afaan oromoo irratti qaban addaan baafachuu, akkasumas gama barsiisota mana barumsaa kanaatiin maal akka fakkaatu madaaluudha. Qo‟ataan odeeffannoo funaanuuf madda odeeffannoo tokkoffaatti fayyadameera. Madden kunis bargaaffii, Afgaaffii, habbuurraa fi qormaata kennuudhaan ture. Qo‟ataan erga odeeffannoo funaaneen booda tooftaalee garaagaraa fayyadamuudhaan odeeffannoo qacceesseera. Walumaa galatti, qo‟ataan argannoo qo‟annoo karaa irratti hundaa‟uudhaan yaada furmaataa kennee barattootni qubeessuu Afaan oromoo irratti shaakala dandeettii barreessuu irratti akka xiyyeeffataniif jajjabeesseera.