Qaaccessa Haala Dhiyaannaa Latoorsa Maqibsa Afaan Oromoo: Kitaabilee Wabii Filataman Keessatti

Abstract

Kaayyoon qorannoo kanaa kitaabilee wabii Afaan Oromoo filataman keessaatti akkaataa dhihaannaa latoorsa maqibsaa xiinxaluu, haala dhiyeennaaa irratti hanqinoota mul’atan adda baasuu, yaada furmaataa gama dhihaannaa kanaatiin ta’uu qabu lafa kaa’uudha. Kaayyoo qorannoo kanaa galmaan gahuuf maddi ragaalee madda raga sadarkaa tokkoffaa kan ta’e Sakkatta'a kitaabilee filataman kanneeniiti. Akaakuun qorannoo kanaa akkamtaa waan ta’eef, Odeeffannooleen funaannaman irratti hundaa'uun qaaccessa taasifameen kitaabileen wabii kunniin haalli dhiheessa latoorsa maqibsaa, qaawa kitaabonni kunniin qaban adda baasuun qaawwi isaanii adda bahee jira. Kanaaf, adda addummaa qabiyyee walfakkaataa irratti jiru dhabamsiisuuf' qopheessitootni kitaabilee wabii waliin mari'achuu, hanqina gama dhihaannaatiin mul'atu qorannoo qeeqa kitaaba isaanii irratti taasifame yeroo yeroon sakkatta'uun fooyyessuufi kitabileen yemmuu qophaa'an hayyoota afaanii gulaalchisuun barbaachisaa akka ta'e qoronnoo kana keessatti ibsameera. Walumaagalatti, qorannoon kun xiinxala dhihaannaa latorsa maqibsaa irratti kan adeemsifameefi hanqina kitaabilee kanneenii eeruun yaadni furmaataa yaboo qorannichaa keessatti kaa’amee jira